Hā tapaka ʹoku ʹasi ʹi tuʹa, ko e tapaka ia naʹe puke he Kasitomu?
ʹOku teʹeki ke fakapapauʹi ʹa e tapaka ʹoku ʹasi ʹi tuʹa ʹi he kaungāue…

ʹOku teʹeki ke fakapapauʹi ʹa e tapaka ʹoku ʹasi ʹi tuʹa ʹi he kaungāue ʹEsia ʹi he Ngōue mo e Toutai, fakatatau ki he fakamatala ʹoku maʹu ʹe he Keleʹá. Ko e tapaka eni naʹe tuku atu ʹi he Keleʹa ʹo e uike kuo ʹosí ne ʹomai ʹi ha tokoni ʹa Siaina ki he puleʹanga Tongá. Ko e ongo koniteina eni fika PCIU 8756308 pea mo e FCIU 9206203 ne ʹomai he uta ʹa e Matson pea ʹi he vaka Leiloa folau fika 052.

Pehē ʹi he fakamatala ʹoku maʹu ʹe he Keleʹá, naʹe hua ʹe he Kasitomu ʹi Vavaʹu ʹa e koniteina fute 40 ʹe 2 ʹi Vavaʹu ʹi he uike kuo ʹosí pea ne maʹu ai ʹa e katuni ʹe 108 ʹo kehe ia mei he ʹuluaki fakahā ki he Keleʹá mei he ʹofisi ʹAmapasitoa Siaina koe katuni ʹe 159.

Taimi tatau ʹoku maʹu ʹe he Keleʹa ʹa e fakamatala mei ha taha falalaʹanga ʹi Vavaʹu ʹoku ʹasi ʹa e tapaka foʹou ʹi tuʹa ʹi he kaungāue ʹa e Faamá pea koe fakamatalá koe tapaka eni mei he koniteiná.

ʹI ha fakamatala ʹe taha ʹoku maʹu ʹe he Keleʹá naʹe hua ʹe he kasitomu ʹa e koniteiná ʹo fakaʹauliliki hono vakaiʹi ʹa e utá. Ko e meʹa kotoa pē ʹoku ala lava ʹo faʹo ai ha puha sikaleti naʹe hua mo vakaiʹi ʹe he kasitomu.

ʹOku ʹalu ke mālie ʹa e foʹi keisi ko eni he ʹoku kehekehe ʹa e ngaahi fakamatala pea ʹoku mahino ʹoku ʹiai ʹa e tafaʹaki ʹoku manumi.

ʹI he ʹuluaki fakahā ki he Keleʹa, ʹoku ʹikai ke ʹasi ʹa e tapaká ʹi he pepa kasitomu pea ʹi hono vakaiʹi ʹe he Keleʹá naʹe fakahā ia ai naʹe ʹosi fakahā pē ʹa e tapaka ia ʹi he uike ʹe 2 kimuʹa (ʹuhinga naʹe fakaʹasi pē ʹa e tapaka ia he pepa kasitomu). Ko e fakamuimui tahá ʹo e fakamatalá ʹoku maʹu ʹe he Keleʹá ʹoku ʹikai ke ʹasi ia ka koe efuefu fertilizer ngōue pe ia. Ko e fehuʹi leva ʹoku namunamu kumā ʹetau sāmena pea ʹoku ʹiai nai ha foʹi tila ʹoku puli ʹi mui?  

ʹI he hua ʹo e koniteiná naʹe fetuku ʹa e ngaahi uta ʹe niʹihi.

Kaekehe naʹe fetuʹutaki ʹa e Keleʹa ki he Talekita Pule ʹo e Kasitomu mo e Tukuhau ʹAnisi Bloomfield pea naʹa ne fakahā mei ai ʹoku teʹeki kene maʹu ha lipooti ka ʹe fetuʹutaki ki he kau maʹu mafai ʹi he tafaʹaki ko eni ke fai mai ha lipooti ki ai.

 

Fetuʹutaki mei he ʹAmapasitoa Siaina

Hi Ofa,

The Commerce Office in the Embassy just contacted the Agricultural Expert Team and provided the following information for your kind reference:

1. The cigarette brought in are totally 3 boxes, more specific, it's 159  cartons (20*1o), rather than 50 boxes.

2.The cigarette is for the 12 agriculture experts team's personal daily use, 6 in Vava'u and 6 in Tongatapu. And the cigarette is for their upcoming 3 years' use.

3.All the cigarette are purchased and paid by the experts, not part of the aid cost.

Hope you find the information useful for you.

We have a saying in China that The wise men ended rumours. Really appreciate you approached to our office for clarification. Of course, if any questions, please do not hesitate to let me know. Really enjoy the good working relations like this. Mālō

Ko e fakamatala mei he Vaʹa ki he Fefakatauʹakí ʹa Siainá naʹe pehē mei ai, ko e puha ʹe 3 naʹe ʹomai pea ko e katuni ʹe 159 kae ʹikai koe puha ʹe 50. Ko e sikaleti eni ki he kaungāue ken au ngāueʹaki pē, ʹa ia ʹoku ʹiai ʹa e toko 6 ʹi Vavaʹu pea toko 6 ʹI Tongatapu. Ko e tapaka ko eni ke nau ngāueʹaki ʹi he taʹu ʹe 3 ka hoko mai.

Pehē ko e tapaka ko eni ne fakatau pē ia ʹe he niʹihi ʹo e kau ngāue pea ʹoku ʹikai ke kau ia ʹi he mahuʹinga ʹo e tokoni ʹa Siaina ki Tongá.

Posted on Wednesday 26th of October 2016 03:45:14 PM