HU FAKATAHA TOKONI KI FALE ALEA?

Naʻe kaseteʻi he ʻaho Falaite, 8 ʻo Sepitema ʻa e tuʻutuʻuni Fakalahi Makehe 2017.  Ko e ngaahi tuʻutuʻuni ko eni ki he fili ʻo e Kau Fakafofonga ʻoe Kau Nopele ki he Fili Fale Alea 2017.

Ko e tuʻutuʻuni ko ení, ʻokú ne toʻo leva ʻa e fakangatangata naʻe ʻi he tuʻutuʻuni ʻo e Lao Fili 2010 maʻae kau Fakafofonga Nopele.

Ka ʻi he Kasete ʻo e Fakalahi Makehe ki he Tuʻutuʻuni Fili 2017, ʻoku ʻikai ngata pe ʻi he fakaʻataa heni ʻa e kau Law Lords ke nau fili honau fakafofonga Nopele ki he Fale Alea ka ʻoku toe ngofua foki ke nau hoko ko e kau kanititeiti Fakafofonga Nopele ki he Fale Alea ʻo Tonga ʻo nau kaunga feʻauhi mo e kau Nopele Fakanofo Maʻu Tofiʻa lolotonga ʻa ʻEne Afio, Tupou VI.  Ko hono fakalea ʻe taha kuo fakatokolahi ʻa e faʻahi ʻa e Kau Nopele meí he toko 33 ki he toko 38 ʻi hono tanaki mai ʻa e kau Law Lord ʻe toko 5.  ʻA ia ko Lord Dalgety ʻo Sikotilani Tonga; Lord Tupou ʻo Kolofoʻou; Lord Sevele ʻo Vailahi; Lord Tangi ʻo Vaonukonuka; Lord Matoto ʻo Tuʻanekivale. 

Pea ko e tuʻu leva eni ʻa e Kau Nopele mo honau takitaha Vahenga Fili.

NOPELE MO HONAU NGAAHI VAHENGA FILI

TONGATAPU

VAVAʻU

HAʻAPAI

ʻEUA

NIUA

1. ʻAhomeʻe 

1. Fakatulolo 

1. Fakafanua 

1. ʻAhomeʻe 

1. Fotofili

2. Ata 

2. Fulivai 

2. Malupo

2. Ata 

2. Fusituʻa

3. Fielakepa

3. Luani 

3. Niukapu

3. Fielakepa

3. Maʻatu

4. Fohe 

4. Tuita

4. Tupoutoʻa 

4. Fohe 

 

5. Kalaniuvalu 

5. Tuʻiʻafitu 

5. Tuʻihaʻangana 

5. Kalaniuvalu 

 

6. Lasike 

6. Tuʻilakepa 

6. Tuʻihaʻateiho 

6. Lasike 

 

7. Lavaka 

7. ʻUlukalala

7. Tuʻipelehake

7. Lavaka 

 

8. Maʻafu 

8. Veikune

 

8. Maʻafu 

 

9. Nuku

9. Tangi

 

9. Nuku

 

10. Tuʻivakano

10. Matoto

 

10. Tuʻivakano

 

11. Tungi 

 

 

11. Tungi 

 

12. Vaea 

 

 

12. Vaea 

 

13. Vahaʻi

 

 

13. Vahaʻi

 

14. Veʻehala 

 

 

14. Veʻehala 

 

15. Dalgety

 

 

15. Dalgety

 

16. Tupou

 

 

16. Tupou

 

17. Sevele

 

 

17. Sevele

 

 

ʻOku fehuʻia foki ʻe he tokolahi ʻi he ngaahi mitia fakasosiale ʻa e foʻi tuʻutuʻuni ko eni.  Kaekehe, pe ko e ha hono tuʻunga fakalao ka ko e meʻa ʻoku mahino mai ʻe lava ke hu ha taha, niʻihi pe katoa ʻa e Kau Lord ko ʻeni ki he Fale Alea.

Ko e ngaahi fifili leva eni:

1.        Kuo toʻo nai ʻa e falala ʻa e Tuʻí meí he Kau Nopele maʻu tofiʻa lolotonga?

ʻI he fakaʻatā ko eni ke humai ʻa e Kau Law Lords ki he Fale Alea ʻo fou mai ʻi hono fili ʻo e Fakafofonga Nopele, ʻe lava ke fetongi ʻe he Kau Lords ʻa e niʻihi ʻo e Kau Nopele ʻi honau sea ʻe hiva ki he Fale Alea.  Ko e kau Law Lords ko eni ʻe toko 5 ʻoku ʻi ai honau ngaahi mataʻitohi fakaako mo e taukei ʻi honau ngaahi malaʻe.  ʻOku ʻi ai ʻa ʻetau lea Tonga ko e “TEKEʻI ʻA LEI MEI HONO FUʻU MEI”  ʻOku mahino ka hu mai ʻa e Kau Lords kuopau ke malōlō ha kau Nopele Maʻu Tofiʻa kituʻa.

2.         Kuo lava pe kau Tuʻa, taʻe totoʻi ʻeiki ʻo maʻu ʻa e ngaahi monūʻia kotoa ʻo e Kau Nopele.

Tapu pe mo e Kau Law Lords ka ʻi heʻetau fokotuʻutuʻu fakasosiale faka-Tonga ko kinautolu ko e kau Tuʻa (commoner).  ʻI heʻene tuʻu ko eni ʻi he taimi ni kuo nau maʻu ʻa e ngaahi monūʻia kotoa ʻoku maʻu ʻe he Kau Nopele lolotonga tukukehe pe ʻoku ʻikai haʻanau ngaahi tofiʻa.  ʻOku nau maʻu vahenga faka-Nopele meí he Puleʻanga pea kuo aʻu eni ke nau fili ʻo fakafofonga Nopele.

3.        Kuo lava pe ke hū ʻa e muli liliu kakai Tonga ʻo hoko ko e Palemia ʻi Tongá ni

Ko Lord Dalgety ko e Sikotilani ka kuó ne liliu kakai Tonga ʻo maʻu ʻa e ngaahi monūʻia kotoa ʻo ha tokotaha Tonga.  ʻI hono fakaʻatā ko eni ke kanititeitií, ʻe lava pe ke ne hū ko ha fakafofonga Nopele pea ʻe toe lava pe ke ne hoko ko ha palemia ka faifaiange kuo fili ia ʻe he kau Fale Alea.  ʻE lekooti ʻi Tongá ni ko ha fuofua tokotaha liliu kakai Tonga ke hoko ko ha fakafofonga Fale Alea pea toe Palemia.

4.        Ko e Fakafofonga Nopele ki he Fale Aleá ʻoku nau fakafofongaʻi mai honau kaunga Nopele Maʻu Tofiʻá.

Ko e Kau Law Lords ʻoku ʻikai ke nau maʻu tofiʻa ke tatau pea mo e Kau Nopele maʻu tofiʻa.  Koe kau nopele maʻu tofiʻa ʻoku ʻi ai honau kakai, ʻoku ʻikai ngata he ʻenau fakafofongaʻi ʻa e kau nopele, ʻoku nau toe fakafofongaʻi ʻa e kakai mei honau ngaahi tofiʻa. Kapau ʻe hu ʻa e kau Lords ko ha fakafofonga Nopele, Ko hai ʻoku nau fakafofongaʻi?

5.        Kuo taʻe mahino ʻa e VAHEVAHE MAFAI (Separation of Power)

Neongo naʻe fehuʻia ʻa e vahevahe ʻo e mafai ʻi he fonuá ni, kuo hoko ʻa e foʻi liliu ʻo e Tuʻutuʻiuni Fili 2017 ko ʻeni ke toe taʻe mahino mo veiveiua ange ʻa e vahevahe mo e kehekehe ʻo e mafai.  Ko e Kau Law Lords ʻoku nau maʻu ʻa e mafai ke fili ʻa e Fakamaau Lahi (Chief Justice), ʻAteni Seniale (Attorney General), Komisiona Polisi (Police Commissioner).

ʻI hono fakaʻataa ko eni ke nau hoko ko e fakafofonga meí he tepile ʻo e Kau Nopele ʻi haʻanau hu ʻo Fale Alea ʻo lava ke nau hoko ko ha Palemia mo e Minisita.  Ko e meʻa leva ʻe hoko ko ʻenau falute kotoa ʻa e ngaahi mafai ʻo e fonuá ni.  Faʻu Lao (Law Making) ʻi he Fale Alea, Fakahoko ʻa e Lao (Executive) ʻi he Kapineti pea Fakamaau (Interpret the Law) ʻi he Fakamaauʻanga.  ʻE moʻoni leva ʻa e Filosefa ko Montesquie ʻi he taimi ʻo e liukava ʻi Falanise, “Ko e fotunga fakalilifu taha ʻo e pule fakatikitato ko hono fakahoko ʻi he funga ʻo e Pule Fakatemokalati

ʻOku lahi mo e ngaahi fifili kehe ka ʻe toki vahevahe atu ia ʻi he ngaahi pepa hoko mai.

 

Ko hono lelei pe kovi ʻo e fokotuʻutuʻu mo e tuʻutuʻuni ko eni, mou takitaha fakamaauʻi.

Posted on Tuesday 26th of September 2017 10:54:25 AM