Posted: 04-Oct-2021 01:29 PM
Ne talu mei he ‘aho ne foaki ai ‘etau Konisitutone mo ‘etau fetaulaki moe kau ‘a’ahi fakalilifu kuo nau folaua mai ‘o tu’uta hotau ngaahi fanga. Ni’ihi koe omi ‘o kumi ha maketi fefakatau’aki, ni’ihi koe omi ‘o fokotu’u pisinisi, ni’ihi koe kau kaakaa koe omi ‘o kumi faingamalie, pea ki mui ni mai kuo tu’uta mai moe faito’o konatapu.
Koe ngaahi me’a kuo ha mai he ngaahi ta’u ki mui ni mai fekau’aki moe fehu’aki ‘ae faito’o konatapu hotau fonua. Koe pole lahi ‘aupito ia, tautau tefito ki ha fonua ‘oku si’isi’i ‘ae ‘ilo fekau’aki moe faito’o konatapu, si’isi’i hono ngaahi koloa, faka’ofa hono tu’unga faka’ekonomika, pea ma’olunga ‘ae faihala; ‘o faka’au ke tuu’ulu ai ‘ae fonua. Ka koe me’a pango he koe kakai koia ‘oku tau tuku falala kiai kenau malu’i ‘etau mo’ui, ‘etau tau’ataina, mo ‘etau koloa; koe kakai tofu pe ia kuo ongona mai ‘enau fefa’uhi holo moe kau tila faito’o konatapu.
‘I he ngaahi ‘aho ki mui ni mai kuo talanga’i lahi he ngaahi ongoongo ‘ae Fale ‘oe Tu’i. Kuo ha mai ‘ae ngaahi tukuaki’i ‘o Pilisnisesi Pilolevu ‘oku ne kau kihe fetuku holo ‘oe faito’o konatapu, pea kuo faka’ilo ai ‘e Pilolevu ‘a kinautolu ‘oku fai tukuaki’i. Kuo toe nga’unu mai foki ‘ae kakai tokolahi ‘aia ‘oku nau taukave hono tau’i ke ta’ofi ‘ae faito’o konatapu, ‘o tanaki ha silini ke tokoni kihe hopo moe Pilinisesi.
Koe uike kuo maliu atu kuo toe fakae’a mai ‘e he ngaahi ongoongo muli ‘o pehe ne ‘iai ‘ae kaunga ‘ae La’aa kuo too Taufa’ahau Tupou IV ki ha tamate ‘i ‘Aositelelia ‘o fakapoongi ai ha tangata faiako lova hoosi ‘i he 1984. Ne fakaha ‘e he lipooti ‘ae ongoongo Herald Sun ‘a ‘Aositelelia ‘ae fakamatala ‘a David Waterhouse koe foha ‘oe tangata ne ‘iloa he peti lova hoosi ‘i ‘Aositelelia ko Bill Watershouse, ki he kau Polisi ‘o pehe ne kau fakataha ‘ene tamai pea moe Tu’i Tupou IV hono ‘ufi’ufi ‘oe fo’i tamate na’e fakahoko. Ne toe fakanofo foki ‘e he Tu’i ‘a Bill Waterhouse koe Fakafofonga ia ‘a Tonga ki ‘Aositelelia ‘i he konga ki mu’a ‘oe fitungofulu tupu.
Ka neongo ‘oku ngali ha fakaofo kihe kakai tokolahi ‘ae mahe’a mai ‘ae ngaahi me’a ni, ka ‘oku ‘ikai ko ha me’a fo’ou ia. Koe La’aa kuo too Tupou IV ne taa tu’o lahi pe ‘ene fekaukau’aki holo moe ngaahi kakai kaakaa kuo nau ‘ahia hotau fonua. ‘Oku kei manatu’i lelei pe ‘e he kakai tokolahi ‘a Bogdonoff he na’a ne kaume’a fafale mo Tupou IV, pea ne ‘ave ai ‘ae lau miliona ‘ae pa’anga hotau fonua ke fakalele pisinisi ‘i ‘Amelika, pea talu ai. ‘Ikai ketau toe sio hetau silini pea ‘ikai toe foki mai ‘a Bogdonoff.
Koe ta’u 1996 ne lipooti ai ‘e Lloyd Jones kihe nusipepa ongoongo Independent ‘a Pilitania ‘o fekau’aki mo ‘ene ‘a’ahi mai ki Tongani ke ‘initaviu ‘ae Tama Tu’i Tupou IV. ‘I he ‘ene lipooti ‘aia ne ‘iloa koe “The very Pacific Despot” na’a ne fakamatala ai kihe ngaahi ngaue ‘a Tupou IV pea mo ha kau Lusia na’a nau ‘omi ‘a ‘ene Helekopeta ki Tonga ni. Ne fakataumu’a tokua koe Helekopeta ke ngaue’aki ia ‘e he Pule’anga kihe takimamata moe fakahaofi mo’ui. Ka koe pango he na’e fakafolau mai ‘e he Helekopeta ia ha tangata Siaina ne ‘iloa ko Dr. Sam Ling Wong koe kaungame’a ‘oe Tu’i. Ko Dr. Wong ‘aia ne ‘iloa ‘i Tonga ni ko Wongo na’a ne palomesi kihe Tu’i ha ngaahi Hotele moe ngaahi Kasino ke fokotu’u ‘i Tonga ni kae fakapa’anga ‘e he Pule’anga Tonga. Na’e fakaha foki ‘e Wongo ‘e kamata ‘ae langa ‘i he ‘aho fakamanatu e ‘Aho Fakahifo ‘oe Tama Tu’i Tupou IV ‘i he ‘aho 4 Siulai 1990. Ka ne a’u kihe ta’u 1992 ne te’eki pe ke kamata ha ngaue ia, pea hili e ta’u ‘e 15 mei ai ne te’eki pe ‘osi ‘ae langa hotele ia. Ka kuo fe’unga ‘ae fakamole ‘ae Pule’anga moe pa’anga ‘e $60 miliona ‘aia ne foaki kia Wongo ke fai ‘aki ‘ae langa hotele. Na’e toe fakanofo foki ‘e he Tu’i ‘a Wongo koe Fakafofonga Tonga ia ki Filipaini. Pea hange pe koia ne fai ‘e Bogdonoff, ne hola atu ‘a Wongo kae li’aki mai ha kau Siaina ngaue ‘e toko 84, li’aki mai moe kau Lusia ne omi moe Helekopeta, pea ne li’aki mai moe Tu’i moe faka’ise’isa.
Koe tufakanga ‘oe mala hotau pule’anga ko hono konga si’i koe tupu mei ha ngaahi alelea ‘ae Fale ‘oe Tu’i moe kau muli kaakaa na’a nau ‘ahia hotau fonua. Pe koe ha me’a ne hoko ke pelulaa ai hotau kau taki kihe manumanu, pea nau mo’ulaloa kihe ‘ai pa’anga moe fakatu’umalie, kae tukuange hotau fonua kene fua hono kanongatamaki. He ‘ikai malava hotau fonua kene matu’uaki ‘ae peau kula ko ‘eni he taimi ‘oku ne hake mai ai.
Ka koe konga lahi ‘oe ‘uhinga ‘o ‘etau palopalema he ko ‘etau fa’unga pule ne ‘ikai ke lava ia ke sivisivi’i, na’e ‘ikai ke taliui, pea na’e ‘ikai ke ‘ata ki tu’a. Pea toe kanoni ‘aki hono ha’iha’isia kitautolu hotau anga fakafonua ke ‘oua te tau fa’a fehu’ia ha ngaahi me’a ‘oku fai ‘e he Fale ‘oe Tu’i. Koe peseti ‘e 95% hotau kakai koe tali angi pe he me’a kotoa, pea koe peseti leva ‘e 5% koe ki’i kakai ia ‘oku nau fai ‘ae ngaahi tu’utu’uni ma’ae toenga ‘oe fonua.
Ka ko kinautolu tenau tu’u hake ke taukapo’i hotau fonua mei he faihala pea nau vilitaki kihe pule lelei, ‘oku ui leva kinautolu koe angatu’u. ‘A kinautolu ‘oku nau tu’u ke malu’i hotau fonua moe fale ‘oe Tu’i mei he kau kaakaa pea nau vilitaki ke ta’ofi ‘ae fetuku holo ‘oe faito’o konatapu, pea ui kinautolu ia koe kau temo, kae taimi lahi ‘oku ui kinautolu koe kau fakafepaki. ‘Oku tau tapalasia ai ‘ae mo’oni moe ‘ofa fonua koe ‘ikai fakatemokalati hotau pule’anga pea malohi hono fakataputapui kitautolu hotau tala fakafonua.
Na’a koe tuha pe ia ‘o Tonga koe mala, pe na ‘oku mo’oni nai ‘ae lau ‘ae tangata ‘iloa koia ko Julian Assange “Koe taimi kotoa pe ‘oku tau ‘ilo ai ki ha faihala pea ‘ikai ketau fai ha me’a kiai, ‘oku tau ohi ai hotau ‘ulungaanga ke tukulolo kihe faihala, pea ‘ikai leva ketau toe lava ‘o malu’i kitautolu mo kinautolu ‘oku tau ‘ofeina”.
THE FORCES BEHIND OUR KINGDOM’S CURSE
Since the birth of our constitution we’ve had various accounts of unwanted visitors on our shores; some traders, some for business ventures, some mobsters with fraudulent intentions, and in recent years ‘drugs’.
The recent revelations of drug trafficking in Tonga has become the greatest challenge for a country with very little knowledge about drugs, limited resources, dire economic situation and high corruption; have brought it to its knees. However, what is most annoying is the fact that those we entrust with the protection of our lives, freedom, and property are those whom are allegedly involved in a scandalous drug network.
The Tongan Royal Family has been placed under the spotlight of the media. HRH Princess Pilolevu has been said to have laid charges against those whom have accused her of being involved in drug trafficking in Tonga. Advocates whom are fighting against drugs have also raised some money to support the legal costs for this trial against the Princess.
A week ago reports have also placed the Late King Tupou IV in connection to the murder of an Australian horse trainer in 1984. In a report on the Herald Sun shows a police statement by David Waterhouse, the youngest son of the most famous Australian Bookmaker Bill Waterhouse, who said his father and the Late King of Tonga were involved in concealing the murder. Bill Waterhouse was also the King’s Honorary Consul in Australia since the 1970’s.
Although some may find these revelations a surprise, it isn’t new. The Late King Tupou IV had always been known to have links to criminal mobsters. Of course we all remember Bogdonoff who took millions of Tonga’s money for an investment in several businesses abroad. He never came back nor did any profit or the money, they never came back. In 1996 Lloyd Jones a reporter for the Independent newspaper in the UK wrote of his visit to the Late King Tupou IV in Tonga. In an article “The very Pacific Despot” he accounts of the Late King’s works with the Russians whom brought a helicopter for the King. It was supposedly for the King’s government to use it for tourist activities and rescue missions. But really, this helicopter brought to Tonga a Chinese fraudster friend of the Late King who goes by the name Dr. Sam Ling Wong. Dr. Wong or whatever his real name is, had promised lucrative business deals of hotels and casinos to the Late King, so to invest Tonga’s hard earned money into his schemes. The King’s government agreed to this and Dr. Wong announced the construction to begin on the Late King’s birthday 4th July 1990. By 1992 the construction had not started and then 15 years later the Hotel is still not operational, while the Government had spent $60 million pa’anga on Wong’s Hotels. Dr. Wong was also made the King’s Honorary Consul to the Philippines. Unfortunately like Bogdonoff, Dr. Wong took off and left behind 84 Chinese workers, the Russian helicopter operators, and the King of Tonga with disappointment.
The forces behind our Kingdom’s curse are at least the fault of the Royal Family and some foreigners whispering to the King. Or whether our rulers had bowed their heads to greed in order to make quick money and get rich, while the people of Tonga are left defenceless. Our country cannot stand a chance against this tsunami when it washes up on our shores.
The main reason for our failure is that our governance system was unchecked, unaccountable, non-transparent, and accompanied by a culture that teaches people not to ask questions about the Royal Family. We have 95% of the population whom are taught to take everything as it comes and only 5% makes the decisions for them.
Yet, for those whom are willing to stand up and fight against corruption and bring about good governance, are labelled as anti-government. Those of whom had stood up to defend our country from crooked foreigners befriending our Kings and those of whom are standing up to defend our country against drug traffickers are sometimes called democrats, but most of the time they are called rebels. The death of truth and patriotism is caused by our undemocratic governance and our social culture.
Perhaps Tonga deserves to be cursed, or perhaps Julian Assange was right when he said “Every time we witness an injustice and do not act, we train our character to be passive in its presence and thereby eventually lose all ability to defend ourselves and those we love”
On February 13, 2021, an international webinar on “Voice of Peace:…
RNZ- FIJI Kuo kamata ‘a e fakamaau mo e fakalelei ‘a e kāinga ko…