Hingoa Fo'ou'

Posted: 14-Apr-2020 11:03 PM

Religion


'Aisea 62:3b-4: '''E 'ikai to e ui koe ko 'Asupa (Li'ekina): pea 'e 'ikai toe ui ho fonuá ko Semama (Lala): ka 'e ui koe ko Hepisipa (ko toka ki ai hoku loto), pea 'e ui ho fonuá ko Piula (ko e taha mali) he kuo toka ‘a e finangalo 'o Sihová kiate koe, pea ko ho fonuá kuo mali.''

Mālō mu'a mo e Kelesi 'a e 'Otuá ke ne a'utaki mai 'etau fōnonga lōloa he ta'u ko eni ki he tetepu 'o e ta'u ni. To e pee 'a e 'aho 'e 4 pea tau ikuna 'a e 2018. Ko hai te ne lau 'ae fiefia hotau lotó he'etau kau he faka'osinga 'o e ta'ú. Na'e 'i ai hotau ngaahi kupu, maheni, kaungaangāue, kaungālotu, kāinga mo e 'ofa'anga ne nau si'i tootau he halafononga 'o e ta'u ni (faka'apa'apa lahi atu). Ko kitautolu eni kuo tau hao mai. Koe KELESI PEE mo e 'ofa lahi 'a e 'Otuá.

Lau pee 'e au e talanoa 'o e 'aho ni pea maafana ai hoku lotó. Faka'amu pee keu vahevahe atu mo kimoutolu. Ko e fu'u taimi 'efi'efi mo femo'uekina eni mo kitautolu he ngaahi me'a fakafāmili, katoanga, ngaahi me'a fakasiasi, fakafiefia mo e haa fua. Fa'a lahi e ta'etokanga, 'ahi'ahi'i engaahi me'a fo'ou, luva ngofua 'etau fakatāpui ke fakaangatatau mo māmani, fa'a hala 'etau faitu'utuuni he lahi e ngaahi fakafiefiá.

Ko e talanoa he Tohi 'Aiseá ki he kuonga 'o e foki mei he Fakahē ki Papiloné. 'Oku talanoa 'a 'Aisea ki he ongo hingoa ko 'Asupa mo Semama. Ko e hingoa faka'ofa ne ui 'aki 'a 'Isileli kimu'a he taimi ne takipopula ai kinautolu ki Papiloné. Na'e li'ekina mo lala 'ae fonuá he ngāue 'a e angahalá.
Ko e liukava fo'ou pe fakaili fo'ou 'oku fai ki 'Isileli, ko e fai pee 'e he 'Otuá. Meimei ko e ta'u e 70 'o e nofo pōpula i Papiloné ko e taimi 'o e li'ekina mo e lala. Ka na'e ikai ngalo ‘i he 'Otuá 'Ene fuakava mo 'Epalahamé, ke ngaohi hono hakó ko e fuifui pule'anga.

Na'e liliu 'e he 'Otuá 'a 'Asupa mo Semama ke ui ko Hepisipa mo Piula. Ko e 'uhinga 'o e hingoa Hepisipa ko e Toka ki ai hoku loto. Ko e hingoa Piulá, ko e taha kuo mali. Ko e sio ki he kovinānite fo'ou. Lōua e ongo hingoa ko ení, Hepisipa mo e Piula 'oku na vakai ki he taimi 'oku hifo ai e Lotolotonga 'o e 'Otua (favor of God) 'o nofo'ia 'etau mo'uí. 'Oku ne liliu hotau tūkunga faka'ofa, 'oku ne fakamo'ui hotau mahaki, fakaake 'ae siasi mo e fāmili, 'oku ne tatala e fakamala'ia, fakaili mo fakafo'ou ha mo'ui.
'Oku sio e ongo hingoa ni ki ha kelekele na'e kakaa, pe uaifi ne uitou pea pa'a. 'E fakafua to'ulu 'e he 'Otuá 'a e kelekele ko iá mo e mānava ko iá. Pea te tau kovinānite fo'ou mo e 'Otuá 'o fetauhi'aki 'i ha mo'ui fo'ou.

Kāinga, ko e toumui eni 'o e ta'u 2018. Fakakaukau ki he 'ofa lahi 'a e 'Otuá 'ia koe moho ki'i fāmilí. Neongo na'e hoko 'etau angahalá koe 'Asupa mo e Semama ke ne vaetu'ua kitautolu mo e 'Otuá he fononga'anga 'o e ta'u ni, ka kuo fanguna kitautolu 'e ha afo fakanonga. 'Oku faka'amu 'e hotau 'Otuá ke fakakalauni fo'ou kitautolu 'aki 'Ene 'ofá pea ui koe mo au ko 'Ene Hepisipa mo e Piula. Ke toka ki ai hono lotó pea tau fai kovinānite 'o fetauhi'aki.
Fakafeta'i 'Eiki e 'ofa lahi.

 

Views 416

Press Releases
International Webinar by Asian and African Media Diagnosed COVID-19…


On February 13, 2021, an international webinar on “Voice of Peace:…

International
Fakalelei lahi ‘a Fisi ‘e fakahoko makatu’unga mei he Saikolone…

RNZ- FIJI Kuo kamata ‘a e fakamaau mo e fakalelei ‘a e kāinga ko…

Editorials
COVID-19 PANDEMIC IS FAR FROM OVER


The COVID-19 pandemic has hit every corner…

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…