HOKO 'A TONGA KO E LINGI'ANGA VEVE

Posted: 15-Apr-2020 12:01 AM

Health

'E iku ki fē 'a e ngaahi me'alele maumau?
'I he 'aneafiʹ na'e hāhāmolofia ke 'i ai ha me'alele 'a e kakaiʹ pea ko e ni'ihi pau pe ne 'i ai 'enau me'alele. Ka 'i he ngaahi 'ahoʹ ni 'oku faka'au ke meimei me'alele pe 'a e 'api kotoa. 'Oku 'i ai e ngaahi 'api 'oku taki 2 he me'alele pea 3 e ni'ihi. 'Oku a'u e ngaahi 'api 'e ni'ihi 'o me'alele 'e 4 mo e 5.

'Oku 'alu ke lahi ange 'a e ngaahi me'aleleʹ 'o fakatauhoa ki he lahi 'o e fonua. Pea 'i ha 'osi ha ngaahi ta'u mei heni, 'oku 'amanekina ke lahi ange 'a e ngaahi me'alele maumau. Ko e fifili 'a e kōlomuʹ ni:

'E iku nai ki fē 'a e ngaahi me'alele maumau ko 'eni?

Kuo tau mamata ki he ngaahi feitu'u kehekehe 'oku lahi e ngaahi fu'u me'alele maumau.Kapau 'e 'ikai tokanga 'a Tongaʹ ni ke fai mo fakakaukau'i ha founga ke 'ave ki ai e ngaahi me'alele maumau, 'oku 'amanekina 'i he kaha'u ke toe lahi ange 'a e me'alele maumauʹ 'i Tongaʹ ni.

'I he fetu'utaki 'a e kōlomuʹ ki he Ma'u Mafai ki he Veve, ne mahino mei ai 'oku 'ikai kau 'a e ngaahi me'alele maumauʹ 'i hono hiko 'o 'ave ki tapuhia. Kaekehe 'oku 'i ai pe foki 'a e ngaahi kautaha fakataautaha 'oku nau 'ave 'a e ngaahi me'alele maumau. Pea ko e ngaahi me'alele maumau pe ia 'e ni'ihi 'oku nau lava 'o 'ave. Ka 'oku fēfē 'a e toenga 'o e ngaahi me'alele maumau?

Fakatatau ki ha fakamatala ne ma'u 'e he nusipepaʹ ni, ko e ngaahi me'alele maumauʹ 'oku fakataumu'a ke 'ave ki tu'apule'anga. Ka ko e ngaahi ta'u lahi mai 'eni moe 'ikai lava 'o 'ave 'o tu'unga 'i he ngaahi 'uhinga fakapa'anga mo e ngaahi 'uhinga kehekehe. Ko hono mo'oniʹ ko e ivi fakapa'anga 'o e ngaahi kautaha fakataautaha 'i Tongaʹ ni 'oku vaivai ke ne mafua 'a e fakamole ki he ngāue ko 'eni. Pea na'e lelei pe 'a e kuohiliʹ koe'uhi na'e si'isi'i 'a e ngaahi me'aleleʹ 'i Tongaʹ ni. Ka kuo 'alu ke fu'u lahi 'aupito pea 'oku 'amanekina ke lahi 'aupito 'a e ngaahi me'alele maumau 'oku hoko ko e veve 'i Tongaʹ ni.

Ne fakahoko ha fetu'utaki ki he Palēmia, Hon Pohiva Tu'i'onetoa pe 'oku 'i ai nai ha palani 'a e Pule'angaʹ ki he palopalema ko 'eni. Ko e taha'i fatongia foki 'eni 'a e pule'angaʹ ki hono tauhi 'a Tonga ke ma'a mo faka'ofo'ofa. Pea kapau kuo lahi faufaua mai 'a e ngaahi me'aleleʹ 'i he ngaahi 'ahoʹ ni, 'oku taau ke fakakaukaua ha founga ke fakama'a 'aki 'a e veve ko 'eni 'i he taimi 'e maumau ai. Kaekehe, na'e 'ave 'a e nusipepaʹ ni 'o paaki 'oku te'eki ma'u ha faingamālie 'o e Palēmiaʹ ke tuku mai ai ha'ane tali.

Ko e palopalema fakafonua 'eni. 'Oku tatau ai pē pe ko hai 'a e kau taki 'o e pule'anga 'i he 'aho ko ia, ka 'oku taau ke fai hono siofi kei taimi. Tetau toki hanga hake ha taimi ka kuo lahi ange 'a e veve ko 'eni 'i he fonuaʹ.

 

 

Views 521

Press Releases
International Webinar by Asian and African Media Diagnosed COVID-19…


On February 13, 2021, an international webinar on “Voice of Peace:…

International
Fakalelei lahi ‘a Fisi ‘e fakahoko makatu’unga mei he Saikolone…

RNZ- FIJI Kuo kamata ‘a e fakamaau mo e fakalelei ‘a e kāinga ko…

Editorials
COVID-19 PANDEMIC IS FAR FROM OVER


The COVID-19 pandemic has hit every corner…

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…