Tō tau e sitā hiki me’a mamafa ‘a Tongá - Maamaloa Lolohea

Posted: 05-Jun-2020 11:29 AM

Sports

Kuo fakahā mai mei he The Ocenia Weightlifting Federation ‘enau fie kaungā mamahi ki he mālōlō ‘a e hau fuoloa ‘a Tonga he fe’auhi hiki me’a mamafá Maamaloa Lolohea ‘i hono ta’u 52. ‘Oku ‘iloa ‘aki foki e toko taha ni ‘a e hingoa fakatenetene ko ia koe “the gentle giant” pe koe saieniti angaleleí.

Description: The Oceania Weightlifting Federation paid tribute to Tongan weightlifting star Maamaloa Lolohea ©Getty Images

Na’a ne fakafofonga’i atu foki ‘a Tonga ki he fe’auhi ‘Olimipiki 2008 ne fakahoko ki Beijing ‘i he kalasi kilokalami ‘ova he 105 pea ne fika 13 ai he fakahokohokó. Na’a ne fuofua kau atu foki ki he fe’auhi Komoniueli ‘i he ta’u 2002 ‘i Manchester pea ne fika 6 ai pea hoko mai aipe ki he 2006 ‘i Melipoane ‘o fika 4 ai.
‘I he fe’auhi South Pacific Games 2003 na’a ne ikuna’i ai ‘a e metali koulá pea ne toe ikuna’i aipe mo e fe’auhi ne fai mai ki Tonga ni he ta’u pe koiá.
Hili ‘ene mālōlō mai mei he fe’auhí he 2009 na’a ne ikuna’i aipe hono tipiloma faka-faiako he Oceania pea ne hoko aipe ko e faiko ma’ae timi fakafonua ‘a Tonga ‘i he fe’auhi hiki me’a mamafá.
Na’e pehē foki ‘e ha taha hono kaungā maheni lelei  mei he Oceania Weightlifting Federation ‘oku ne ongo’i ‘aupito e mole ‘a Maamaloa Lolohea mei he māmani ‘o e fe’auhi hiki me’a mamafá he ‘oku kau ia ha tokotaha falala’anga ke te feohi mo ia, pea ‘oku ne fu’u fiefia he tauhi vā na’a na fakahokó.
‘Oku fakafofonga’i mai aipe ‘e he Oceania Weightlifting Federation ‘enau pōpōaki fie kaungāmamahi ki he Tonga Weightlifting Federation mo e Tonga National Olympic Committee kae tautautefito ki he tefito’i fāmili ‘o Maamaloá.

 

Views 192