Ta’ofi sitā ‘a e Eels ‘i Fisi ke hā ‘i he fakamaau’angá

Posted: 14-Apr-2020 10:51 PM

Sports

‘Oku mahino eni ‘e ‘ikai kau atu ‘a e sitā ‘a e Parramatta Eles ‘i he teuteu ‘a e timí ki he kamata ‘a e fe’auhi NRL ‘o e ta’ú ni hili ia hono tu’utu’uni ‘e he Fakamaau’anga ‘i Fisí ke puke ‘e Paasipootí ‘o ‘ikai fiema’u ke mavahe mei Fisi hili hano faka’ilo ia ki ha hia lolotonga ‘ene mālōlō atu he vaha’a taimi ‘o e Kilisimasí mo e faka’osi ta’ú.
‘Oku tukuaki’i foki ‘a Maika Sivo pea puke ia ‘e he kau polisí ‘i ha’ane fakahoha’asi ha taha ‘o e kau ngāue ‘i ha resort ofi ki Nadi ‘i he efiafi Tokonakí.
Kuo malu’i ia ki tu’a ka na’e ta’ofi ke ‘oua na’a mavahe mei he fonuá kae ‘oua ke mahino ‘a e tūkunga ko eni kuo ‘i ai ‘a e faka’ilo fekau’aki mo iá.
Kuo foki hake foki ‘a e timi ‘a e Eels ke kamata ‘enau teuteú ‘i he ‘aho 2 ‘o Sanualí ‘o ‘ikai kau ai ‘a Sivo ia he ‘oku kei ‘i Fisi ke ne toki hā ‘i he fakamaau’angá ‘i he ‘aho 7 ‘o Sanualí ai pē.


Na’e fakaa’u ki he kalapú ‘a e me’á ni pea na’a nau fakahā ‘enau faka’apa’apa’i pē ‘a e lao ‘a Fisí pea ‘oku nau fiefia ke fengāue’aki ‘o fekau’aki mo e me’á ni.
‘Oku kau ki heni ‘a e fakakaukau’i ‘e he kalapú pē ‘e tuku atu ha ni’iihi ‘o e kau ‘ōfisiale ‘a e kalapú ki Fisi ke poupou mo tokoni ki he’enau sitā ta’u 26 ko ení ‘a ia na’á ne hoko ko e tangata tata’o lahi taha ‘a e NRL ‘i he 2019.


Kuo ‘osi fakamo’oni foki ‘a Sivo mo e Eels ki he ‘osi ‘a e fa’ahi ta’u va’inga ‘o e 2020 ka na’e toe fakapale’i ia ‘e he kalapú tupu mei he’ene va’inga lelei ‘aupito na’e fakahoko ‘i he 2019 ‘o toe fakalōloa ‘aki ha ta’u ‘e 2.


‘Oku ki’i hokohoko mai eni ‘ae  hoko ‘a e ngaahi tukuaki’i ki he kau sitā liikí kae tautefito ki he kau va’inga mei he ngaahi fonua Pasifikí.
Kimuí ni mai pē na’e hā foki ‘a e ngaahi ongoongo fekau’aki mo Nelson Asofa-Solomona ‘i he’ene fuhu ‘i Bali pēhē kia David Fifita ‘a ia na’e tukuaki’i ki he’ene ‘ohofi e sikiulitī ‘a e pā ‘i Bali, pea ko Manase Fainu foki ‘oku lolotonga lele ‘ene hopo ki he hia mafatukituki ‘aupito fekau’aki mo ha tukuaki’i ia ki ha’ane hoka ‘aki ha hele ha matāpule lolotonga eni ha hulohula siasi na’e fakahoko.


Ko Solomona na’e tautea ia ke mālōlō ‘i he fo’i va’inga ‘e 3, ‘a ia na’e mole heni hono faingamālie ke va’inga tesi ma’a Nu’usila he va’inga mo e Laioné pea mo e Kangaroos.


Ko Fifita na’e hao pē ‘o ‘ikai ha tautea ki ai makatu’unga pē mei he ngaahi mo’oni’i me’á pea na’á ne toe totongi foki ha pa’anga ki he mamahí ko ‘ene kole fakamolemole he me’a na’e hokó. Pea ko Manase Fāinu leva na’e talu hono fakahū pilisone ia ‘o toki malu’i kitu’a ke tali hopo mei ai ka ‘oku kei faka’atā pē ke kau he teuteu ‘a e timi Sea Eagles neongo ‘oku te’eki mahino ‘a e tūkunga ‘oku ‘i ai ‘a e hopó.
Na’e mole ai hono sea ki he timi ‘a Tongá ‘i he tesi mo e Laioné pehē ki he Kangaroos

 

 

Views 345

Press Releases
International Webinar by Asian and African Media Diagnosed COVID-19…


On February 13, 2021, an international webinar on “Voice of Peace:…

International
Fakalelei lahi ‘a Fisi ‘e fakahoko makatu’unga mei he Saikolone…

RNZ- FIJI Kuo kamata ‘a e fakamaau mo e fakalelei ‘a e kāinga ko…

Editorials
COVID-19 PANDEMIC IS FAR FROM OVER


The COVID-19 pandemic has hit every corner…

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…