Fakamo’oni kalapu Penarol mei ‘Ulukuei mo e ongo to’a ‘a e ‘Ikalé

Posted: 15-Apr-2020 12:27 AM

Sports

Kuo ala mai ‘a e kalapu Penarol ‘i ‘Ulukueí ‘o unuhi atu ‘a kapau ‘a e ‘Ikale Tahí, ‘Atieli Pakalani pehē ki he huká, Sosefo Sakalia ki he’enau sikuati ki he teuteu ko ia ‘a e fe’auhi ‘akapulu fakakalapu lahi taha ‘i he ngaahi fonua ‘o ‘Amelika Tongá ‘i he fe’auhi ‘oku ‘iloa ko e Super Liga Americana de Rugby (SLAR) ‘a ia ‘oku ‘amanaki ke kamata ‘i ha māhina nai ‘e 2 mei heni.
Ko e kalapu ko ení ‘oku tokolahi pē ai ‘a e kau va’inga mulí pea ko e ko hono ui ko eni ‘a e ongo to’a Tonga ko ení ‘oku tānaki atu ai ki he timí ha ivi makehe ki he teuteu ko ia ‘enau fe’auhí ki he ta’ú ni.
Ko e pōnasi eni ki he kalapu ko ení koe’uhí ko e ongo tangatá fakatou’osi na’á na fakafofonga’i atu ‘a Tonga ki he ipu ‘a māmani ne toki ‘osí ‘i Tokiō ‘i he ta’u kuo’osí.
Ko Sosefo Sakaliá ko hono ta’u 28 eni pea ‘okú ne va’inga ‘i he tu’unga huká. Na’e kamata hake pē foki ‘a va’inga ‘akapulu ‘a Sakaliá ‘i Tonga ‘i he Kolisi ‘Apifo’oú pea mei ai ki he kalapu Marist. Na’e fili ia ke kau ki he timi ta’u 20 fakafonua ‘a Tongá kimu’a ke toki ma’u hono faingamālie ki he’ene fuofua tesi fakavaha’a pule’angá ma’a Tonga ‘i he 2015 ‘i he va’inga pea mo Kānata ‘i he fe’auhi Pacific Nations Cup.
Na’e ma’u hono faingamālie ke va’inga ‘i he kalapu Steaua Bucuresti pea mo e kalapu Olimipia Bucuresti ‘i Romania pea mei ai ki he timi Asia Pacific Dragons ‘i Singapore.
Ko ‘Atieli Pakalani ta’u 30 na’e tupu hake pē ‘i Tonga kimu’a ke hiki atu ki Nu’usilá ‘o kamata ‘ene va’ingá ‘i he tu’unga le’okoló mo e kapakaú ma’ae timi fakaako Tamaki College ‘i ‘Okalaní. Na’e ‘unu hake ai ‘o va’inga he timi ‘a ‘Okalaní ‘i he fe’auhi ITM ‘i he 2009 kimu’a ke ‘ave ‘e he timi Super ‘a e Waratahs ‘a ‘Aositelēliá. Na’á ne toe hiki atu ki ‘Iulope ‘o va’inga he fe’auhi Pro D2 ma’ae kalapu Carcassonne pea mo e fe’auhi English Premiership ma’ae kalapu Leicester Tigers.
Na’e ‘ikai fuoloa kuo fakatokanga’i ‘e he timi toko 7 ‘a Tongá ‘a e talavoú ni pea na’á ne fakafofonga’i ‘a Tonga ki he ngaahi fe’auhi toko 7 kimu’a ke toki ui ia ki he timi ‘a e ‘Ikale Tahí. Na’e kau ‘a Pakalani ‘i he sikuati ‘a e ‘Ikalé he ipu ‘a māmaní pea na’á ne va’inga ‘i he tau mo Falaniseé ‘i Kumamoto pea mo ‘Amelika ‘i Osaka he World Cup

 

Views 369

Press Releases
International Webinar by Asian and African Media Diagnosed COVID-19…


On February 13, 2021, an international webinar on “Voice of Peace:…

International
Fakalelei lahi ‘a Fisi ‘e fakahoko makatu’unga mei he Saikolone…

RNZ- FIJI Kuo kamata ‘a e fakamaau mo e fakalelei ‘a e kāinga ko…

Editorials
COVID-19 PANDEMIC IS FAR FROM OVER


The COVID-19 pandemic has hit every corner…

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…