Fakatau tuki Andrew Fifita ‘ene mama fakamanatu va’inga tu’o 100 ke tokoni ki he vela ‘i ‘Aositelēliá

Posted: 16-Apr-2020 03:23 PM

Sports

Kuo fokotu’u ‘e he kalapu NRL ‘a e Cronulla Sharks fakataha mo e kalapu Melbourne Rebels ha polokalama fakatau tuki ‘i he taumu’a ke tānaki ‘a e pa’anga ‘e ma’u mei aí ke tokoni ki he vela vao ‘oku lolotonga fekuki mo ‘Aositeleliá.


Laka hake ‘i he ngaahi koloa mahu’inga ‘e 20 tupú kuo tuku atu mei he ongo kalapú pea mo e ni’ihi ‘o e kau va’ingá ke fai ha tuki ki ai ‘a ia ‘e toki lisi pea tuku hake ‘i he ‘initanetí he māhina katu’ú.


Pea mei he kalapu ‘a e Sharks ko e fuofua koloa na’e tuku hake ki he lisí ko e mama fakamanatu ‘a e va’inga tu’o 100 ‘a e matatolu ‘a Tongá, Andrew Fifita ‘aki ‘a e pa’anga ‘Aositelēlia ‘e $1,500 ke kamata’aki pea toki piti ai pē ki ai pe ko hai te ne ma’u ‘aki ‘a e mahu’inga mā’olunga tahá.
Neongo ko e koloa mahu’inga ‘aupito eni ki he kau va’inga NRL pea ‘oku hoko ia ko e suvenia ‘oku tauhi malu ‘e he kau va’ingá koe’uhí ke fakamanatu kiate ia mo hano hako ‘i he kaha’ú ‘a e maka maile kuó ne a’usia ‘i he fe’auhí, ka ‘oku pehē ‘e Fifita ia, ‘oku mahu’inga ange ‘a e tokoni ia ki he faingata’a ‘oku lolotonga hoko he fonuá mo hono fakahaofi ‘a e mo’ui ‘a e kakaí, fanga manú mo e ‘ulu’akaú.


‘Oku kau fakataha hake ki he fakatau tuki ko ení ‘a e koloa ‘a e feesi ‘a e Kiwis, Shaun Johnson ‘a ia ko ‘ene falani he ipu ‘a māmani ‘a e liikí he 2017, pehē ki he le’okolo tutuku ‘a e Sharks, Mat Rogers mo ‘ene falani na’á ne fuofua tui he’ene ‘uluaki va’inga ma’ae kalapú.


Ka kimu’a ke hoko ‘a e tuki ko ení ko e haafe ‘a e Sharks, Chad Townsend ‘i he uiké ni na’e ‘osi kamata ‘ene tānaki pa’anga ‘o a’u ki he $20,000 tupú mei he’ene fakatau atu ‘ene ‘ū falani ‘akapulú ke tokoni ki he kau ngāue tāmate afi ‘i he ngaai feitu’u ‘utá.

 

Views 347

Press Releases
International Webinar by Asian and African Media Diagnosed COVID-19…


On February 13, 2021, an international webinar on “Voice of Peace:…

International
Fakalelei lahi ‘a Fisi ‘e fakahoko makatu’unga mei he Saikolone…

RNZ- FIJI Kuo kamata ‘a e fakamaau mo e fakalelei ‘a e kāinga ko…

Editorials
COVID-19 PANDEMIC IS FAR FROM OVER


The COVID-19 pandemic has hit every corner…

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…