Fakalōloa malu’i kau faka’iloa tukuaki’i ki he fakapō ‘i Tali’evá

Posted: 30-Apr-2020 03:29 PM

Courts

Na’e hā ‘i he Fakamaau’anga Lahí ‘i he pongipongi Tūsite ‘aho 21 ‘o ‘Epelelí ni ‘a e kau faka’iloa ‘e toko 5 ‘a ia ‘oku lolotonga tukuaki’i kinautolu ki he hia ko e fakapō ‘i he fekau’aki eni mo e pekia ha tangata ta’u 48 ‘i he ta’u kuo’osí ‘i he kalapu Tali’evá ‘i Nuku’alofa.
Ko e kau faka’iloa ‘e toko 5 ko ení ko Siafā Nai (39) mei Tofoa, Tangi Tiofilusi Nai (42) mei Fua’amotu, Kona’ī Bloomfield, (43) pea mo Vilaketi Bloomfield (48) mei Sopu pea mo Sione Bloomfield (51) mei Fatai.


Kuo tā tikite pea faka’ilo kotoa foki ‘a e faka’iloá ni ki he hia ko e fakapō pehē ki hono ngaahi fetongí ko e tāmate tangata mo e fakalavea lahi pea kuo nau ‘osi tali tonuhia kotoa pē ki honau tukuaki’í ‘i he ‘aho 17 ‘o Tīsema 2019. Ko e fakalea ‘o ‘enau ngaahi tohi fekau hia mateá (indictment) na’e tatau kotoa pē.
Kaekehe ko ‘enau hā ko eni he fakamaau’angá ke muimui’i pē ‘a e tūkunga ‘oku ‘i ai ‘a e hopó ni ‘a ia kuo ‘osi faka’aho ki he ‘aho 31 ‘o ‘Aokosí ke toki kamata ai. Na’e tu’utu’uni ‘e he ‘Eiki Fakamaau Lahí, Justice Cato ke fakalōloa ‘a e malu’i ‘a e kau faka’iloá ni ki he ‘aho 3 ‘o ‘Aokosí ke toe ui faka’osi ai kinautolu kimu’a ke fakapapau’i ai pē mei he tafa’aki ‘a e kalauní ‘e kamata ai pē ‘a e hopó ‘i he ‘aho 31 ‘o ‘Aokosí.
Na’e fili kotoa pē ‘a e kau faka’iloá ke nau hopo sula.
Ko e pekiá, ko e tamai eni mei Puke ka e nofo ‘Amelika na’á ne ‘eva mai he ta’u kuo’osí pea ko e me’a eni na’e hoko ‘i he ‘aho 4 ‘o Fēpueli 2019 lolotonga hanau mamata sipoti mo inuinu ‘i he pā Tali’evá.


Na’e tupu heni ha feta’emahino’aki ‘i he pekiá mo e kau faka’iloá ‘o hoko ai ha makuku ‘o hangē na’e hā ‘i ha vitiō na’e tuku hake ‘i he mītia fakasōsialé ‘o hā ai ‘a hono tā ‘e he kau faka’iloá ‘a e pekiá pea ‘oku tukuaki’í ko ‘ene pekia tupu mei he ngaahi lavelavea na’e hoko ki hono ‘ulú.
Na’e toki leleaki’i ki Vaiola he hoa’atā ko iá, ka na’á ne toki mālōlō ‘i he efiafi tatau.

 

 

 

Views 352

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…

International
FAKAHU KAU FA’U LAO MALOLO ‘I HONG KONG HE LAKA FAKAHAHA TUPU…

HONG KONG (Reuters) – Pehe ‘e he kau Polisi Hong Kong na’a…

Editorials
CAN WE AFFORD THE GOVERNMENT’S LIES?

Does creating an image of a government to look good can eventually make a good…