Hokohoko atu puke kau faihiá lolotonga tātāpuni fakafonuá

Posted: 27-Apr-2020 03:56 PM

Courts

Kuo tuku mai ‘e he kau polisí ha fakamatala fekau’aki eni mo hono toe puke mo ha toko 8 kehe ia ‘i he ‘aho 1 ‘o ‘Epelelí fakataha mo ha faito’o konatapu lolotonga eni ‘oku kei tātāpuni ‘a e fonuá ko e fakaalaala mei he mahaki faka’auha Covid-19, ka ‘oku lau he kau faihiá ko e faingamālie eni ia ke hokohoko atu ‘enau fetuku mo fe’ave’aki ‘a e faito’o konatapú ‘i he komiunitií.
Ko e toko 8 ko ení na’e puke kinautolu mei he ngaahi feitu’u kehekehe pē hangē ko Vainī, Tofoa pea mo Lapaha, pea kuo fakahā ‘e he Tokoni Komisiona Polisi Le’ole’ó, Tēvita Vaileva ko e ngāue fika ‘uluaki eni ‘a e mātu’a polisí ko hono tāketi’i ‘a e kakai ko ení ke fai ‘a e ngāue ‘a e laó kiate kinautolu, ‘i he taumu’a ke fakapapau’i ‘oku hao mo malu ‘a e komiunitií mei he faito’o konatapú.
Na’e puke ‘a e kau tangatá ni ta’u 26-49 mo e ‘aisi kalami ‘e 1.67g, kenapisi kalami ‘e 20.61g mo ha naunau ifi pehē ki ha pa’anga laka hake he $600. Ko e toko 4 mei Vainī, toko 3 mei Tofoa pea mo e toko taha mei Lapaha.
Kuo ‘osi faka’ilo kotoa kinautolu ki he ma’u mo e faito’o ta’efakalao, pea kuo tauhi malu kinautolu ‘i pilīsone kenau toki fehangahangai mo e laó ‘i he Fakamaau’angá ‘i ha taimi ‘amui ange.

 

Views 182

Government
Fakamamahi mo e maumau he ngaluopé mo’ua $30,000 pe ngāue pōpula…

Kuo fakahu atu he pule’angá ha Lao ki he Fale Alea ‘o Tongá…

International
FEPOTALANOA’AKI ‘A MODI MO BIDEN KE TOE FAKALAKALAKAANGE HONA…

NEW DELHI (Reuters) – Na’e fepotalanoa’aki telefoni ‘a…

International
FAKAHU KAU FA’U LAO MALOLO ‘I HONG KONG HE LAKA FAKAHAHA TUPU…

HONG KONG (Reuters) – Pehe ‘e he kau Polisi Hong Kong na’a…

Editorials
CAN WE AFFORD THE GOVERNMENT’S LIES?

Does creating an image of a government to look good can eventually make a good…