Mavahe Kau Fa'ulao Falanise Kae To Lalo E Fakaaoao ‘a MACRON Mo ‘ene Tokolahi ‘i Fale Alea

Posted: 26-May-2020 12:40 PM

International

Mavahe Kau Fa'ulao Falanise Kae To Lalo E Fakaaoao ‘a MACRON Mo ‘ene Tokolahi ‘i Fale Alea

 

Palesiteni Emmanuel Macron

PARIS (Reuters) – Kuo fakaha mei he kau mavahe mei he paati pule‘a Emmanuel Macron, te nau fokotu’u ha kulupu fo’ou he Lower House ‘i he Fale Alea ‘i he Tusite, pea kuo tolalo e Palesiteni mo ‘ene fakaaoao he’ene kei tokolahi ‘i Fale Alea pea to e faka’ai’ai ki ha to e fa’u polisi mei he fa’ahi Left Wing.

Ko e toko 7 eni kuo nau mavahe mei he paati ‘a Macron (LREM) ‘o nau kau atu ki he paati ‘Ecology, Democracy, Solidarity’ (EDS), pea ‘oku nau pehe ‘oku nau lau e toko 17 ki honau tokolahi.

‘I he’ene pehe leva, ko e toko 288 pe eni ‘a e LREM pea ‘oku nau nounou ‘aki e toko 1 kae lava ke nau ma’u e tokolahi taha pea ko e holo eni mei toko 314 ‘a Macro mei he’ene ikuna ‘i he 2017.

Na’e fa’u e paati ‘a Macron hili ‘ene ikuna e tu’unga Palesiteni ‘i Me 2017 pea kuo kamata ke lotomamahi he mavahe atu ‘ene kau poupou koe’uhi ko ‘enau ta’efiemalie he’ene fusia’u e mafai mo ene ngaahi polisii fakapisinisi.

‘E kei malava pe ke ma’u ‘e Macron e poupou ‘a e ki’i ni’ihi tokosi’i mei he alliance partner mo e the centrist MoDem party. Ka ‘e hoko foki eni ke hange ‘oku ki’i pauni mafamafa ‘a e MoDem ‘i he fa’u polisii ‘i he ta’u ‘e 2 faka’osi ‘o Macron mei he ta’u ‘e 5 ‘ene taki.

Na’e ki’i tu’u ‘ene ngaahi feinga liliu he pule’anga tupunga mei he mahaki pea mo ‘ene feinga ke ma’u e loto e kakai hili ha ngaahi uike mei he angatu’u ‘a e kau pension kae kimu’a ai ko e fakafepaki ki he pule’anga mei he kau ‘yellow vests’

Pehe ‘e Richard Ferrand, kaungame’a ofi ‘o Macron pea to e Palesiteni he National Assembly, ‘oku ki’i holo e tokolahi taha ‘a e LREM ka ‘oku kei ‘i ai e faingamalie ki he pule’anga mei he vouti ‘e toko 324 ‘a e kau MPs mo e poupou ‘a e MoDem.

Views 157