IKAI LAVA E TU’USI E LAHI E LOLO ‘OKU TUKU ATU KITU’A KE FEAU FIEMA’U HE NGAAHI MAKETI ‘OKU NAU FE’AO MO E CORONA VIRUS

Posted: 29-Apr-2020 01:25 AM

International

SINGAPOA (Reuters) – ‘I he to lalo ko eni ‘o e mahu’inga ‘o e lolo , Monite 13, ‘oku ha mahino ai ‘oku kei fu’u lahi pe palopalema ‘e fe’ao mo e ngaahi fonua ‘oku fakatau mai e lolo neongo e fakasi’isi’i e lahi e lolo ‘oku tuku kitu’a  ‘i he’enau feinga ke fakapalanisi  e fiema’u ‘a e maketi, lolotonga eni e uesia ‘e he coronavirus  ‘a e ngaahi fiema’u (demand) ki he lolo pea kuo fokotu’una e lolo ‘o fu’u tootu’a.

Hili ha ‘aho ‘e 1 e aleapau ‘a Lusia mo e ngaahi fonua ‘oku nau fakatau mai e lolo (OPEC) ke holoki e lahi e lolo ‘oku tuku kitu’a ‘aki e tangike (barrels)9.7 miliona he ‘aho mei Me – Sune, meimei tatau eni mo e 10% ‘o e lahi ‘o e lolo ‘oku fakatau atu ki mamani katoa, ‘i ai pe ki’i liliu ki he mahu’inga, fakavave’i ‘ene hu ki loto mo tu’a mei he ngaahi fonua ‘oku sai (positive) mo kovi (negative)

Ko e kalasi lolo ko eni LCOc1 mo e WTI CLc1 kuo holo ‘aupito hona mahu’inga he ta’u ni.

Ko e tu’usi lahi ko eni ‘o e lolo mei he kautaha OPEC+ , ‘e to e lahiange ‘i he liunga 4 mei he lekooti mei he 2008 pea ‘e a’u pe ki ha mahu’inga to lalo ‘aupito, ka ko e holoki ko eni  tupunga mei he si’isi’i e fiema’u pea ‘e a’u pe ki he tangike 30 miliona ‘i he ‘aho, fakafuofua eni ki ‘Epeleli.

Ko e to e koviange ko e to e hokohoko atu e ngaahi Pule’anga lahi ‘i mamani ‘enau lockdown mei he fefolau’aki ke ta’ota’ofi e mafola e coronavirus.

‘I he lau ‘a Virendra Chauhan, tangata ‘analaiso mei he Ma’u’anga Ivi,”neongo ‘e fakasi’isi’i e lolo mo e tolalo e mahu’inga heikai pe ke ne malava ke fakalelei’i e mahu’inga neongo e lahi e ma’u’anga lolo ko eni ‘oku tau mamata ki ai. Ko e ‘ikai ko eni ke tokanga malohi mai ‘a ‘Amelika pehe ki he ngaahi fonua memipa G20, ko e tonounou ia ‘i he alea ko eni”

Views 35